Kryesore

Basha: Për Valdrin Pjetrin, Rama ishte i gatshëm ta çonte Shkodrën në përplasje civile


               Publikuar në : 13:53 - 14/08/19 Enno

Kryetari i Partisë Demokratike, Lulim Basha ka reaguar lidhur me deklaratën e kryeministrit Edi Rama për Valdrin Pjetrin, bërë ditën e djeshme, ku tha se edhe vëllai i tij të jetë, “s’ka shans të hedhë asnjë hije dyshimi mbi PS dhe mbi mua”.

Në një deklaratë për mediat, Basha tha se Rama po përpiqet ta shesë kryebashkiakun e ri të Shkodrës, që doli nga zgjedhjet e 30 qershorit, mirëpo, sipas tij, e dinte shumë mirë kush ishte Valdrin Pjetri.

Po ashtu, kryedemokrati theksoi se kryeministri për Valdrin, ishte i gatshëm ta dërgonte Shkodrën në përplasje civile.

“Sot ka një përpjekje të shfrenuar për të shitur Valdrin Pjetrin. Rama i pari.

I padenjë për Shkodrën dhe për të gjithë Shqipërinë është Edi Rama. Valdrinin e çoi në Shkodër Edi Rama, duke e ditur shumë mirë kush është ai dhe vëllai i tij, i cili inauguroi hotelin e drogës në Tiranë.

Për Valdrinin hyri në Shkodër i armatosur, me forca speciale. Për Valdrinin, Edi Rama e provokoi Shkodrën dhe donte ta çonte vendin në një përplasje civile.

Tani, Edi Rama po përpiqet me shpejtësi për ta larguar. E vërteta është ndryshe. Rasti i Valdrinit nuk është rast i shkëputur. Sot një pjesë e mirë e kryebashkiakëve, janë me të kaluar kriminale ose lidhje aktuale kriminale. Pjerin Ndreu, i përfshirë në listën e zezë të Ambasadës Amerikane, u kthye në pushtet për Edi Ramën. Valbona Sako është po ashtu e përfshirë në vjedhjen e votave.

Artur Bushi, është i dënuar për trafik droge, njësoj si Valdrin Pjetri. Agim Kajmaku, në Vorë, një person me të paktën dy identitete. Dionis Ymeraj, i përfshirë në vjedhjen e votave në Dibër. Rakip Suli, në Parlament përfitonte miliona euro nga taksapaguesit shqiptarë.

Tërmet Peci në Tepelenë, Klement Ndoni, të arrestuar në falgarncë bga policia dhe të ndjekur nga prokuroria për qindra kilogramë kanais.Në krye të pushtetit lokal Rama po mundohet të imponojë sot përfaqësues të krimit dhe të pakicës kudo në Shqipëri

Edi Rama dhe mercenarët e tij në media dhe kudo, që sot po përpiqen t’i bëjnë dalje Valdrin Pjetrit duke larë duart, nuk patën asnjë fjalë për të thënë për Vangjush Dakon. E ndaluan edhe SHBA-të të hyjë në Amerikë për korrupsion, por Edi Rama dhe mercenarët e tij nuk thanë asnjë fjalë dhe nuk shkruan asnjë rresht.

Për Damian Gjiknurin e kapur në korrupsion dhe në tentativë për të pastruar para në SHBA, të kapur në dosjen e 184 si koka e operacionit për shoitblerjen e voitave me bandën e Ymer Lalës, Edi Rama dhe mercenarët e tij nuk kanë asnjë koment

Për Jurgis Cyrbjen, përfaqësuesin e bandës së Shullazit në Kuvend, Edi Rama dhe mercenarët e tij nuk kanë thënë asnjë fjalë dhe nuk kanë shkruar asnjë rresht. Nuk ka thënë e shkruar asgjë as për Ilir Ndrazhin, përfaqësuesin politik në Kuvend të bandës së Avdylajve

As për Rrahman Rrajan, as për Taulant Yaris, as për Ulsi Manjën, Xhemal Qefaliajn, Paulin Sterkajn, të kapur dhe evidentuar në bashkëpunim me bandit për vjedhjen e votave në Dibër, Durrës, Shkodër, Elbasan dhe gjithë Shqipërinë. As për bandën e Xibrakës, bandën e fabrikës së kokainës, ku kanë dalë nga burgu autorët kryesorë. Pse kanë dalë?

Kush nuk e mban mend më Estref Halili nga Kolonja e Lushnjës u shty drejt vetëvrasjes në paraburgimin e stërzgjatur për një cigare hashash, ndërkohë që kreëtr e bandës së kokainës u shoqëruan nga policia drejt arratisë dhe ata që u kapën tashmë janë liruar.

E vërteta është se të gjithë këta i mbrojti Edi rama, se kështu mbron të vëllain e tij Olsin e përfshirë drejtpërdrejt me protagonistët e fabrikës së kokainës në Xibrakë

E vërteta është se lidhja e Edi Ramës me krimin është një lidhje e përhershme”, deklaroi Basha.

Kthehu
WhatsApp Denonco ne TT