Analisti, Fatos Lubonja i cilëson zërat brenda Partisë Demokratike kundër lidershipit të kësaj force politike, si mercenarë që i shërbejnë një pale të tretë.
Figurat e rëndësishme në selinë blu, si deputetja Jozefina Topalli, Majlinda Bregu dhe Eduard Selami kanë kritikuar kreun e PD-së, Lulzim Basha për aksionin e tij politik për të bojkotuar zgjedhjet.
Sipas Lubonjës kritikat e bëra në adresë të kryedemokratit Basha janë normale, por që janë aspak besueshmëri pasi iu shërbejnë palëve të treta, duke iu referuar këtu kryeministrit Rama dhe eksponentëve në radhët e mazhorancës.
“Zërat kundër janë normale, kur udhëhiqen nga bindjet e tyre dhe jo për hesap të të tretëve se kështu nuk ka kredibilitet. Zërat që kanë dalë brenda PD, mund të konsiderohen normal në një parti, por kam hijen e dyshimit se punojnë për një palë të tretë. Se edhe kur u zgjodh presidenti i kaluar u blenë ca deputetë, njihet kjo histori në vendin tonë”,- tha Lubonja për “News 24”.
