Moderatorja Luana Vjollca është një nga femrat më të komentuara në botën e showbiz-it shqiptar. Prej ditësh ajo është shkëputur nga rrjetet sociale, ndërsa ka njoftuar se do të shkëputet për pak kohë edhe nga televizioni.
“Kam vendosur të tërhiqem për ca kohë… 12 vite pa ndalim… Kam nevojë të pushoj. Do të më marr malli shumë për dashurinë tuaj”, shkruan Luana në një postim në “Instastory”.
Por, më pas ajo ka zbuluar se kjo ka qenë shakaja e 1 Prillit, duke shtuar se nuk ka ndërmend të ndalet.
Teksa publikon mesazhin e një fanseje, Luana shkruan:
“Mesazhet tuaja si kjo ma shkrin zemrën komplet!! Kështu që po ju tregoj që as nuk e kam mend të ndalem. Jam e bekuar që ju kam!!! Ideja për këtë ishte e Blerina Rugovës. Gëzuar 1 Prillin. Hajde se duhen ndonjëherë gënjeshtra të tilla të më kujtoni sa shumë dashuri kam. Nuk heq dorë kurrë sa t’iu kem ju”.
