Luan Rama, kreu i grupit të LSI-së, ka kritikuar dy partitë më të mëdha në vend, PS-në dhe PD-në.
Rama tha se të dyja palët kanë pasur kohën e nevojshme për të shmangur krizën politike, që ka arritur deri në këtë pikë.
Gjithashtu, Rama u shpreh se të dyja partitë, PS dhe PD duhet të reflektojnë dhe të vënë në radhë të parë interesat e vendit mbi interesat partiake.
“Edhe PS edhe PD kanë pasur të gjithë kohën e nevojshme për të mos lejuar të mbërrijë deri këtu konflikti politik, kanë pasur mundësi të evitojnë çadrën, bojkotin dhe konfliktualitetin me një frymë dialogu. Ajo çfarë duhej bërë, por që për fat të keq nuk u bë, por që prapë jemi në kohë të bëhet, është reflektimi për të vënë interesat e vendit mbi interesat partiake. Palët duhet të lëshojnë nga pozitat in-extremis ku gjenden, në funksion të një zgjidhjeje”, tha Luan Rama gjatë një interviste për Report TV.
