Politikë

LSI nxjerr prapaskenat pas pezullimit të Malajt nga detyra


               Publikuar në : 17:50 - 05/12/19 M S

Ish-deputeti i LSI-së, Petrit Vasili, ka shprehur qëndrimin e tij lidhur me zhvillimin më të fundit për Arben Malajn. Lidhur me pezullimin nga detyra si Këshilltar Mbikëqyrës i Bankës së Shqipërisë, Vasili e cilëson veçse si hakmarrje nga qeveria socialiste, për shkak të kritikave të tij ndaj qeverisë Rama. Me tone ironike, Vasili shkruan më tej në Facebook se as tërmeti nuk i ndal rilindasit, kur vjen puna për hakmarrje.

Statusi

Pezullojne Arben Malaj, Profesorin e financave, socialistin e oreve te para dhe nje nga ministrat, qe kane qene krenaria e partise socialiste edhe kush pa shkollepaket e Rilindjes.

Kjo eshte mirenjohja e rilindjes per socialistet.

As termeti nuk i ndal rilindasit kur vjen puna per hakmarrje.

Lexojeni vendimin e qeverise se shkollepakesise.

VENDIM Nr. 766, datë 3.12.2019 PËR PEZULLIMIN NGA DETYRA TË NJË ANËTARI TË KËSHILLIT MBIKËQYRËS TË BANKËS SË SHQIPËRISË

Në mbështetje të nenit 100 të Kushtetutës dhe të pikës 1, të nenit 47, të ligjit nr. 8269, datë 23.12.1997, “Për Bankën e Shqipërisë”, të ndryshuar, me propozimin e Kryeministrit, Këshilli i Ministrave
VENDOSI:
1. Z. Arben Malaj, anëtar i Këshillit Mbikëqyrës të Bankës së Shqipërisë, pezullohet nga kjo detyrë.
2. Propozimin Kuvendit të Republikës së Shqipërisë për shkarkimin e z. Arben Malaj nga detyra e anëtarit të Këshillit Mbikëqyrës të Bankës së Shqipërisë.
Ky vendim hyn në fuqi menjëherë.
ZËVENDËSKRYEMINISTËR
Erion Braçe

Në mbledhjen e 3 dhjetorit, me vendim të Këshillit të Ministrave është pezulluar nga detyra e anëtarit të Këshillit Mbikëqyrës të Bankës së Shqipërisë, Arben Malaj. Pas këtij vendimi, Malaj është kujdesur të japë mesazhe të forta, me anë të një statusi në rrjetet sociale. Ai shprehet se tashmë do ta ketë më të lehtë përballjen me ata që ai i quan abuzues me pushtetin.

Ish-ministri i PS-së është akuzuar nga qeveria se ka dalë jashtë kornizës së anëtarit të Këshillit Mbykëqyrës të BSH-së, për shkak të deklaratave publike kundër qeverisë “Rama”.

Sipas procedurave të parashikuara me ligj, brenda 30 ditëve, kërkesa për shkarkim do të dërgohet në Kuvend, dhe do të duhet të shqyrtohet nga komisionet përkatëse.


Kthehu
WhatsApp Denonco ne TT