Stil

Arrestimi i “Zogut të Tiranës”, Dajana tregon arsyen pse u mbyll emisioni i saj


               Publikuar në : 18:21 - 05/12/19 M S

Hermes Nikaj i njohur ndryshe si “Zogu i Tiranës”, u arrestua me akuzat e ‘shfrytëzimit të femrave për prostitucion’. Gjykata e Tiranës caktoi vendimin duke e dënuar me 15 ditë heqje lirie. Teksa të gjithë ngritën dyshime se çfarë do të bëhej me emisionin ku ai ishte bashkë moderator, lajme aspak të mira vijnë në këtë drejtim.

Emisioni “Casa De Los 3s” që transmetohej në “Ora News”, është mbyllur përfundimisht. Ky emision moderohej nga Dajana Shabani, Besmir Metani dhe Hermes Nikaj. Të tre këta kane qënë ish-prezantuesit e “Ditë e re”, emision ky i cili aktualisht i është besuar dyshes Kelvi Kadilli dhe Arjola Shehu.

“Blitz.al” ka kontaktuar personalisht me Dajanën, pasi mësoi ekskluzivisht se “Casa De Los 3s” është mbyllur. Ajo konfirmoi lajmin e mësuar nga “Blitz.al”, por mohoi se arsyeja është arrestimi  i Hermes Nikaj.

“Emisioni është mbyllur jo për shkak të arrestimit të Hermes Nikaj, por kemi pasur një kontratë me vilën deri në dhjetor. Tërmetet pastaj përshpejtuan çdo gjë”, shprehet Dajana.

E pyetur nëse do të rikthehet së shpejti me një projekt të ri pas mbylljes së emisionit, Dajana e konfirmon këtë gjë. Madje shton se do jetë diçka surprizë.

“Patjetër që do të vij me diçka surprizë, që kur moderoja “Casën” është folur për një projekt të ri në janar, pasi “Casa” nuk ishte projekti im dhe nuk ndihesha shumë rehat”, është shprehur Dajana Shabani.

 


Kthehu
WhatsApp Denonco ne TT