Shkrimtari Besnik Mustafaj, ish-ministër i Punëve të Jashtme dhe një nga themeluesit e Partisë Demokratike, ka komentuar pezullimin e Arben Malajt nga Banka e Shqipërisë. Në rubrikën “Opinion” në “News24”, Mustafaj tha se vendimi ndaj Malajt nuk ishte i papritur, pasi prej kohësh kishte kritika të ashpra ndaj politikës financiare.
“Malaj ka disa kohë, shumë kohë që vjen në kritika në rritje ndaj politikës financiare. Realisht kjo prania në këtë bord, ka qenë një pengesë. Qoftë edhe e pjesshme, brenda tij si profesionist janë akoma më të ashpra mbi abuzimet me pushtetin dhe kontrollin politik që ka Edi Rama mbi Bankën Qendrore. Unë besoj se atë që thotë Malaj, do ta mbajë. Kritikat e tij do të jenë më të ashpra dhe të dobishme për vendin”, tha ndër të tjera Mustafaj.
Ish-ministri i Financave, Arben Malaj, ka reaguar pas pezullimit të tij nga detyra, pas postit që mbante si anëtar i Këshillit Mbikëqyrës në Bankën e Shqipërisë.
Në një status në profilin e tij në Facebook, Malaj paralajmëron ‘luftë’. Teksa thekson se tashmë do ta ketë më të lehtë të përballet ligjërisht më abuzuesit e pushtetit, duke nënkuptuar këtu kryeministrin Edi Rama, pasi ky i fundit propozoi pezullimin e tij.