Teksa dhe pak muaj na ndajnë nga zgjedhjet parlamentare, partitë kanë ndezur motërët për fushatën elektorale, e përgatiten për t’u futur në garë në koalicione ose vetëm.
Ish-deputeti i PD-së Enkelejd Alibeaj, ka folur se nëse i druhej një koalicioni me PS-së dhe LSI-së në zgjedhjet e 25 prillit.
Ai tha në emisionin ”Pa Protokoll”, se diçka e tillë nuk mund të ndodhte, duke e argumentuar me faktin se LSI dhe partitë e tjera opozitarë ndoqën ‘trendin’ e PD-së duke djegur mandatet.
‘Nuk i trembemi një koalicioni PS-LSI. Ne besojmë që aq kohë sa kemi kaluar së bashku, ku prej 4 vitesh është shkatërruar shteti, jemi përball një regjimi ku rreziku është shumë i madh. Do ishte luks të flitej për taksa, për masën e lirisë. Këtu flitet, jeton dot apo nuk jeton dot, e njëjta situatë si në vitet ‘90. Kemi garancinë, sepse në aksionet e PD , të gjitha partitë e tjera ndoqën trendin për të djegur mandatet. Nuk kam asnjë lloj dyshimi. Interesi i shqiptarëve është të kërkojnë rrëzimin një orë e më parë të Ramës.” tha Alibeaj.
