E enjte, 19 Maj, 2022
24.5 C
Tirana

Llogari bankare për të pastruar paratë, si e zbuloi FBI-ja 74-vjeçaren

S’janë të paktat rastet kur shtetasit e huaj strehohen në Shqipëri për t’iu shmangur drejtësisë në vendet ku janë rezident. Shtetasja amerikano-kanadeze, Lyda Harris, i fshihej drejtësisë amerikane në Shqipëri. Pak ditë më parë, ajo është lokalizuar në vendin tonë nga zyra qendrore kombëtare Interpol Tirana, në bashkëpunim me Departamentin e Policisë Kriminale dhe Shërbimin Diplomatik të Sigurisë pranë Ambasadës Amerikane në Shqipëri. Arrestimi i saj është bërë nisur nga kërkesa e ardhur nga ana e Departamentit Amerikan të Drejtësisë, për arrestimin e përkohshëm të saj, me qëllim ekstradimin nga Shqipëria në SHBA.

Harris, në kërkim nga autoritetet amerikane

Lyda Harris ishte shpallur në kërkim nga autoritetet amerikane, pasi Gjykata e Distriktit Jugor të Kalifornisë, ka lëshuar urdhër-arrestin ndërkombëtar më datë 28 korrik 2021, për kryerjen e veprës penale “Komplot për kryerjen ose pjesëmarrjen në një organizatë përmes aktivitetit shantazhues”, parashikuar nga Kodi Penal i SHBA-së.

“Arrest me burg” për 74-vjeçaren

Të mërkurën, gjykata caktoi ndaj Lyda Jolanda Harris, 74-vjeçe, masën e “arrestit me burg”, me qëllim ekstradimin në SHBA. Gruaja u ndalua nga policia, teksa planifikonte të largohej drejt Gjermanisë, e prej andej në Kanada, ku ka qytetin e lindjes dhe familjen.

Pjesë e një organizatë kriminale me qëllim mashtrimin

Prokuroria e akuzon Harris si pjesë të një organizatë kriminale, me qëllim mashtrimin. Përmes avokatit, ajo kërkoi nga gjykata një masë më të lehtë sigurie, me pretendimin se vuan nga disa sëmundje, dhe jeta e saj është në rrezik nëse dërgohet në qeli. Avokati tha se gruaja nuk paraqet asnjë rrezikshmëri, ndërsa foli për reputacionin e mirë që gëzon në vendin ku jeton, dhe faktin se ka qenë mësuese për një kohë të gjatë në shtetin e Arizonës.

Skema e mashtrimit

Në dosjen hetimore kundër Lyda Harris thuhet se skema e mashtrimit përgjithësisht fillon me një telefonatë ndaj të moshuarve amerikanë, të cilëve anëtarët e organizatës iu prezantohen si të afërm. Të moshuarve iu kërkohen para me pretendimin se nipi ose mbesa e tyre është në një rrezik të madh, ose është përfshirë në një aksident dhe duhet të paguajë dëmet e aksidentit. Organizata ku bën pjesë Harris, ka marrë para nga viktimat. Në momentin që siguron paratë, organizata i pastron ato përmes llogarive bankare, përfshirë dhe ato të Harris, ose duke u investuar në kriptomonedha.

Llogari bankare për të pastruar paratë

Hetuesit federalë zbuluan se Harris kishte hapur llogari bankare që i përdorte për të pastruar paratë e marra nga viktimat e mashtrimit, duke i transferuar në kompani fantazma. Në shkurt 2020, Harris mori 29 mijë dollarë nga një kompani e regjistruar në emër të një të dënuari. Fondet u gjurmuan dhe janë të një 73-vjeçareje që ra pre e mashtrimit në Kaliforni. Agjentët e FBI-së u takuan me Harris në nëntor të 2020, gjatë një operacioni kërkimi. Hetimi zbuloi se në telefonin e Harris kishte komunikime të shumta me bashkëpunëtorë mashtrues që vijonin aktivitetin prej disa muajsh. Ajo deklaronte në telefonata se kishte pastruar para, por kur u pyet nga FBI-ja, u përpoq të minimizojë përfshirjen e saj në këto skema. /Tirana Today

- Reklama -

Më shumë nga kategoria




Të fundit

Presidenti/Alibeaj: Do konsultohemi me aleatët, një tjetër mbledhje nesër

Pak çaste më parë ka përfunduar mbledhja e grupit parlamentar të PD, thirrur nga Enkelejd Alibeaj. Në një prononcim për mediat, Alibeaj tha se...

SPAK i jep goditjen e fortë krimit/Rama: Mbështetje deri në fund

Kryeministri Edi Rama ka reaguar sa i takon operacionit të SPAK. Me anë të një postimi në Twitter, kreu i qeverisë thekson se ky...

Erdogan i prerë: S’do pranojmë hyrjen e Suedisë dhe Finlandës në NATO

Presidenti turk, Recep Tayyip Erdogan, tha të enjten se vendi i tij "do t'i thotë jo hyrjes së Suedisë dhe Finlandës në NATO", duke përsëritur...

Si po ndikon l*fta në furnizimet globale të ushqimit

OKB-ja tani po e quan atë një luftë tjetër brenda luftës së Rusisë në Ukrainë. Në vendin e përshkruar dikur si shporta ushqimore e...

Shkollat e universitetet pushim në 25 Maj, Tirana në “shtetrrethim”

Ministrja e Arsimit, Evis Kushi, ka njoftuar se 25 Maji do të jetë pushim për të gjitha institucionet arsimore në vend. “Referuar vendimit të qeverisë...