E hënë, 20 Shtator, 2021
28.5 C
Tirana

Berisha bën lëvizjen e papritur pas ultimatumit të Yuri Kim

Ambasadorja amerikane në Shqipëri, Yuri Kim, ka shtuar presionin, e ndërsa SHBA në shtator pret pensionimin e Berishës si dhe të hidhen themelet e bashkëqeverisjes. Pas mesazhit të përcjellë nga selia e PD, ditën e djeshme ambasadorja amerikane e ka bërë sërish të qartë se shtatori do të vijë me ndryshime të mëdha.

Përmes një editoriali të nxjerrë në faqen zyrtare të ambasadës, Yuri Kim ka kërkuar që si kryeministri Rama, ashtu dhe kryedemokrati Basha, të rishikojnë listat e deputetëve, në mënyrë që të përfaqësohen në Parlament me njerëzit e tyre më të denjë. Kjo deklaratë është një tjetër sinjal se SHBA nuk e do Berishën në sallën e Kuvendit.

“Nxisim udhëheqësit nga të gjitha krahët që të kthehen me vendosmëri të ripërtërirë për të punuar fort në emër të popullit shqiptar. Kjo do të kërkojë ndryshim, vizion si dhe udhëheqësi të vërtetë për të çrrënjosur krimin dhe korrupsionin, në mënyrë që secili të ketë një mundësi të drejtë dhe një të ardhme më të mirë.

Do të kërkojë që Edi Rama, Lulzim Basha, si dhe udhëheqës të tjerë të kontrollojnë listat edhe njëherë për t’u siguruar që kur të kthehen në parlament, njerëzit të mund të jenë krenarë për përfaqësuesit e tyre.

Po ashtu, do të kërkojë që palët të ngrihen mbi interesat e tyre partiak dhe të gjejnë mënyrën për të arritur kompromis dhe për të bashkëpunuar me njëri-tjetrin për një kauzë më të lartë, për të ardhmen e Shqipërisë”, shkruante ndër të tjera ambasadorja Yuri Kim.

Mesazhi i ambasadores duket se nuk ka shkuar në “vesh të shurdhër”, pasi ish-kryeministri Sali Berisha ka paralajmëruar një konferencë për shtyp mesditën e sotme.

Lexo edhe :   Meta merr në mbrojtje Berishën, akuzon Kim se po shkel sovranitetin e vendit

Ndonëse kanë kaluar vetëm pak ditë nga ultimatumi i ambasadores Yuri Kim se SHBA nuk e duan Sali Berishën e shpallur “non grata” në parlament në muajin shtator, ish-kryeministri vijon ‘luftën’ e tij me amerikanët.

Lexo edhe :   Meta merr në mbrojtje Berishën, akuzon Kim se po shkel sovranitetin e vendit

“Te dashur miq, sot ne oren 12:00 do te zhvilloj nje konference per shtyp ne hotel Rogner (salla Antigonea)! Ftoj mediat, sipas deshires, te jene te pranishme!”, shkruan Berisha me anë të një postimi në Facebook.

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...