E premte, 15 Janar, 2021
6 C
Tirana

Lista opozitare nën shantazhin e të përdorurve prej Bashës

Nga: Mero Baze

Edhe Fatmir Mediu me siguri do të marrë një vend të sigurtë në listë. I parafundit e mori Agron Duka. Siç e shpjegoi edhe vetë, kërkoi dy të sigurtë, por mori vetëm një, pra gjysmën e objektivit.

Kështu do të ndodhë edhe me Mediun, edhe pse ai sot ka paraqitur 36 kandidatët për Tiranën, dhe ka lënë të kuptojë se është gati të pijë kafe me Edi Ramën. Njësoj fliste dhe Duka një ditë para firmës. Ndoka, Shehi e Dule ndërkohë janë rehatuar në zonat gri të listës, me shpresë se mund të dalin deputetë.

E gjithë kjo është një histori dnkurajuese për opozitën. Lista po formohet nën shatnazh, me një mungesë të dukshëm respekti ndaj njëri- tjetrit. Nën makthin e justifikuar që Lulzim Basha mund t’i gënjejë përsëri, kryetarët e partive aleate kanë një javë që i kanë zënë derën e Shqup-it dhe nuk ikin prej andej pa marrë një vend, së paku për vete.

Kjo krijon një shije të hidhur në elektoratin e opozitës, pasi në vend të një liste entuziastësh, ata po shikojnë që të parët po sigurohen ata që kanë frikë se mos opozita humbet përsëri dhe po hyjnë në listë dhunshëm.

Por nga ana tjetër Lulzim Basha ka mundur t’i defaktorizojë ata, duke i bërë të papërdorshme partitë e tyre prej vitit 2015. Prej  vitit 2015, ata kanë bërë çfarë u ka thënë Lulzim Basha, duke humbur identitetin e tyre politik dhe duke shkatërruar partitë e tyre.

Ata hynë në çadër më 2017, dolën nga Parlamenti më 2019, ikën nga zgjedhjet lokale më 2019, dhe gjithmonë kishin si premtim që do futeshin në listat e PD më 2021. Tani formalisht ata kanë qenë besnikë të PD-së, por me ato që kanë bërë, partitë e tyre janë shkatërrur dhe ata janë besnikë të panevojshëm të saj.

Lexo edhe :   Përse shërben pazari i fundit me listat?

Lulzim Basha praktikisht ka arritur t’i defaktorizojë ata në elektorat, duke i përdorur për interesat e tij politike.

Më 2017 i përdori t’u mbyllte gojën kundërshtarëve të tij në parti, duke i zbuar nga lista dhe duke i zëvendësuar me këta. Pastaj për të krijuar idenë se vendimet e opozitës merreshin me unanimitet, ata i joshte duke i nxjerrë nga Parlamenti dhe duke i lënë jashtë zgjedhjeve lokale.

Lexo edhe :   Përse shërben pazari i fundit me listat?

Aq qesharake është bërë kjo histori, sa Agron Duka ka marrë Partinë Agrare më 2015 dhe nuk ka mundur të futet në asnjë palë zgjedhje me siglën e saj. Tani përpjekjet e tyre për të shantazhuar Lulzim Bashën janë qesharake, pasi Lulzim Basha u ka hequr atyre stolin ku ata qëndronin, pra u ka shkatërruar partitë e tyre.

Kështu që të gjitha shantazhet e tyre mund të përfundojnë për herë të fundit, duke marrë një vend të disktueshëm në listat e PD. Kjo për Bashën është konfirmim që ata nuk kanë më parti. Se nëse do të kishin, një vend mund ta fitonin dhe me partinë e tyre, por së paku do ta vinin në provë.  Kështu janë të dorëzuar dhe Basha e ka të pastruar fushën nga shantazhet e tyre. Përveç LSI-së.

- Reklama -

Më shumë nga kategoria




Të fundit

Pamje të rënda/Përplasen 2 makina, kalimtari që priste në trotuar humb këmbët

Kalimtari që u përplas sot nga një makinë në Tiranë, për fat të keq ka humbur të dyja këmbët. Aksidenti i rëndë ndodhi mëngjesin...

Ne nuk jemi gati për Evropën pa Angela Merkelin

Nga: Mujtaba Rahman “Politico.eu” 2021 është viti kur Evropa do të duhet të mësojë që të jetojë pa Angela Merkelin. Kancelarja gjermane do të tërhiqet...

Rama do fërkojë duart, për sa kohë që opozitarët mbeten pragmatistë

Nga: Ben Andoni Do kishin një zë shumë më të besueshëm për publikun shqiptar nëse do të tregonin se konform programit dhe fizionomive, partitë e...

Vendim i papritur/ Një tjetër konkurrent i “Për’puthen” lë emisionin

Pavarësisht shikueshmërisë dhe suksesit në "Për'puthen", konkurrentët të pakënaqur marrin vendime për të lënë emisionin. Emini nga Kosova, ka marrë vendimin e papritur për tu...

Pse opozita e Albinit, është më pranë fitores se opozita e Lulzimit

Nga: Kreshnik Spahiu Kosova dhe Shqipëria janë në prag të zgjedhjeve parlamentare. Çifti Vjosa dhe Albini ndryshojnë shumë nga Monika dhe Lulzimi? Nëse në Kosovë fitorja e...