Që nga shpërthimi i koronavirusit para disa muajsh në Kinë, janë shënuar gjithsej 1,074,290 raste infektimi në të gjithë botën.
Në muajt e parë epiqendra e këtij virusi ishte në Wuhan të Kinës. Por me kalimin e kohës Evropa u kthye në epiqendrën e re të COVID-19, teksa Kina po regjistron çdo ditë e më pak raste të reja.
Vendet më të prekura nga koronavirusi në Evropë janë Italia, Spanja, Franca, Mbretëria e Bashkuar etj.
Italia mban rekordin për numrin më të madh të vdekjeve të shënuara nga ky virus, e ndjekur nga Spanja, SHBA-ja dhe Franca.
Italia dhe Spanja po regjistrojnë çdo ditë më shumë se 700 viktima nga koronavirusi. Ndërsa një shifër e ngjashme u shënua sot për herë të parë edhe në Mbretërinë e Bashkuar, ku në 24 orët e fundit u shënuan 684 viktima.
Gjermania është një nga shtetet që regjistron numrin më të madh të rasteve, por që në raport me këtë numër ka regjistruar më pak viktima.
Ndërkohë SHBA po njeh një rritje shumë të shpejtë të numrit të të prekurve dhe viktimave të shënuar nga COVID-19.
Sot SHBA theu çdo rekord të vendosur më parë nga Italia dhe Spanja, duke shënuar më shumë se 1 mijë viktima brenda 24 orëve.
Sipas të dhënave të marra nga Worldometer, këto janë 10 shtetet më të prekura nga koronavirusi në botë (të renditura nga numri më i madh i viktimave):
- Itali – 14,681 viktima/ 119,827 raste infektimi
- Spanjë – 10,935 viktima/ 117,710 raste infektimi
- SHBA – 6,786 viktima/ 265,506 raste infektimi
- Francë – 5,387 viktima/ 59,105 raste infektimi
- Mbretëri e Bashkuar 3,605 viktima/ 38,168 raste infektimi
- Kinë – 3,332 viktima/ 81,620 raste infektimi
- Iran – 3,294 viktima/ 53,183 raste infektimi
- Hollandë – 1,487 viktima/ 15,723 raste infektimi
- Gjermani – 1,230 viktima/ 89,838 raste infektimi
- Belgjikë – 1,143 viktima/ 16,770 raste infektimi
