Kryeministri Edi Rama ka ndarë me ndjekësit një foto të dy ish-presidentëve të Kosovës, Ibrahim Rugova dhe Hashim Thaçi.
I pari i Qeverisë së Shqipërisë i ka vendosur hashtagun: “Liria ka emër! Shqipëri-Kosovë”, shkruan Rama.
Fushata “Liria ka emër”, ka filluar pas ngritjes së aktakuzave nga Gjykata Speciale ndaj ish-drejtuesve të UÇK-së, Jakup Krasniqit, Rexhep Selimit, Kadri Veselit dhe Hashim Thaçit.
Kësaj fushate i janë bashkuar edhe liderë të tjerë politikë, nga gjithë trojet shqiptare.
Çdo luftëtar i Ushtrisë Çlirimtare të Kosovës (UÇK), ka emër e mbiemër. Si luftëtar lirie, ata kanë edhe historitë e tyre.
Fushata “Liria ka emër” u publikua vetëm pas arrestimit të Jakup Krasniqit, Rexhep Selimit, Kadri Veselit dhe Hashim Thaçit nga Gjykata Speciale, pas nismës të disa njerëzve të afërt me Partinë Demokratike të Kosovës (PDK).
Gjithçka nisi për të treguar historinë e rrugëtimit të Kosovës, dhe kujtesës kolektive.
