Navy SEALS 6, u formua pas një misioni të dështuar të Delta Force, dhe numri 6 u vendos për të ngatërruar shërbimin sekret sovjetik, mbi numrin e vërtetë të njësive. Pjesëtarët e tij i nënshtrohen paraprakisht testeve të ashpra. 80 për qind e aspirantëve, zakonisht twrhiqen. Një ndër testet më të forta, është qëndrimi pwr disa minuta zhytur në një pishinë me duart dhe këmbët e lidhura.
Në vitin 2016, një rekrut 21-vjeçar vdiq, dhe 4 të tjerë gati u mbytën. Viktima ka pasur edhe në vitet e tjera. Media, ka vënë në dyshim protokollet e stërvitjes së Navy SEAL. Por ajo është mbrojtur, duke thënë se kandidatët nënshkruajnë paraprakisht një formular, ku pronojnë nivelin e lartë të rrezikut. Navy SEALS, përbëjnë më pak se 1 për qind të të gjithë personelit të Marinës së SHBA-së, por kanë një ndikim të madh strategjik në çdo operacion ku marrin pjesë.
Ata ishin pjesë e Luftës nw Vietnam, duke shwnuar një rekord të frikshëm:200 vietnamezë të vrarë, për çdo 1 marins të vdekur. Arsenali i kësaj njësie, përfshin edhe armën e famshme AK-47 (kallshnikov) për shkak të besueshmërisë së saj ekstreme në të gjitha situatat. Navy SEALS, iu besua edhe operacioni delikat për vrasjen e liderit të Al-Keadës, Osama Bin Laden në Pakistan. Chris Kyle, një nga snajperat më të famshëm të kësaj njësie, eleminoi në Irak kaq shumë armiq, sa që kryengritësit irakianë i vunë nofkën “Djalli”.
