Aktorja e njëkohësisht moderatorja Rudina Dembacaj, ka rrëfyer se pasi bëri publike lidhjen me Mark Frrokun, pësoi një tronditje për shkak të komenteve negative. Madje arriti deri aty se mendoi të merrte edhe qetësues. Por sot ndihet krenare, se ka bërë atë që ka ndjerë. Për të, secili prej nesh duhet të ndjekë zemrën, duke mos u dorëzuar.
“Në momentet e para, unë nuk isha ndeshur kurrë me komente negative gjatë jetës, dhe kur u ndesha kisha dy ditë. Do ta pranoj me zë, isha shumë e tronditur.
Pasi unë bëra lidhjen time publike dhe madje arrita deri në një pikë, sa thashë duhet të marr qetësues, se kisha rrahje shumë të shpeshta të zemrës dhe shkova në farmaci. Dhe aty mu kujtua se jetën time nuk e ka në dorë askush, sepse nuk e ka patur kurrë, dhe se nuk dorëzohem kurrë.
Jam shumë krenare që kam bërë atë që kam ndjerë, dhe është vetëm rruga e duhur për jetën e çdokujt, sidomos të një gruaje. Unë jam shumë krenare dhe kryelartë dhe atë ditë në farmaci bleva një kolinoz zbardhues, që ndërkohë që më gjykojnë unë të qesh edhe më shumë”.
