Një 62-vjeçare nga Vlora ka rënë në prangat e policisë, pasi kishte tentuar që të fuste lëndë narkotike për djalin e saj në ambientet e paraburgimit.
Një ditë më parë, në ambientet e paraburgimit IEVP Vlorë, shtetësja me inicialet S.S., ka shkuar për t’i dërguar disa ushqime djalit të saj. Ky i fundit vuan dënimin për veprën penale në fushën e narkotikëve. Pas kontrollit të ushtruar, mes ushqimeve është gjetur një sasi lënde narkotike prej 100 gr., e dyshuar cannabis sativa.
Njoftimi
Vlorë
Tenton të fusë lëndë narkotike për djalin e saj, në ambientet e paraburgimit, vihet në pranga nga policia.
Ditën e djeshme, në ambientet e paraburgimit IEVP Vlorë, shtetësja S. S. ka shkuar për t’i dërguar disa ushqime djalit të saj, i cili vuan dënimin për vepër penale në fushën e narkotikëve.
Pas kontrollit të ushtruar, mes ushqimeve është gjetur një sasi lënde narkotike prej 100 gr., e dyshuar cannabis sativa.
Menjëherë, në vijim të veprimeve është arrestuar në flagrancë 62-vjeçarja S. S., me banim në Vlorë, për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
Materialet iu referuan Prokurorisë, për veprime të mëtejshme.
