Kronikë

Lëndë narkotike mes patateve të ngrira, pranga dy trafikantëve shqiptarë

               Publikuar në : 14:32 - 15/05/19 M. S

Një tjetër sasi e konsiderueshme lënde narkotike është sekuestruar në cilësinë e provës materiale, ndërsa në pranga janë vënë dy trafikantë shqiptarë. Shqiptarët, të moshës 30 dhe 44 vjeç, vinin nga Holanda dhe lëndën narkotike do ta sillnin në Shqipëri.

Autoritetet italiane në Portin e Barit në Itali kanë arrestuar 2 shqiptarët, të cilët akuzohen për trafik ndërkombëtar droge, ndërsa në kamionin e tyre u gjet një sasi prej 7 kilogram kokainë. Lënda narkotike ishte e fshehur në patate të ngrira, që po transportoheshin nga Holanda për në Shqipëri. Jo vetëm lëndën narkotike, por autoritetet kanë sekuestruar edhe 150 mijë euro.

Kamioni transportonte patate të ngrira nga Holanda në Shqipëri, dhe tranzitonte përmes portit të Barit. Lënda narkotike së bashku me paratë ishin fshehur në një vend të modifikuar, enkas në kabinën e shoferit.

Kokaina ishte e konfeksionuar në 6 pako, ndërsa paratë cash, 150 mijë euro, ishin në bankonota në prerje 20 e 50 euro.

Dy shtetasit shqiptarë janë vënë në pranga, dhe janë në dispozicion të autoriteteve gjyqësore italiane në burgun e Barit.

 

Kthehu
WhatsApp Denonco ne TT