Ministrja e Shëndetësisë dhe Mbrojtjes Sociale, Ogerta Manastirliu iu bën apel qytetarëve që të tregohen të kujdesshëm, për shkak të lehtësimit të masave ndaj koronavirusit.
Përmes një postimi në Facebook, Manastirliu ka publikuar edhe disa rregulla që ndihmojnë në frenimin e përhapjes së virusit vdekjeprurës.
“Me lehtësimin e masave shtrënguese, është shumë e rëndësishme që secili prej nesh të tregojë kujdes maksimal për të ruajtur veten dhe të tjerët. Ja disa rregulla të rëndësishme për të kufizuar përhapjen e #COVID19”, shkruan Manastirliu në postimin e saj.
Kujtojmë se nga dita e sotme do të hapin dyert qendrat tregtare, parukeritë, klinikat dentare etj.
