Pas masave të ndërmarra në tregjet mbarë vendin, duket se qytetarët i kanë respektuar. Pamjet në fjalë vijnë nga tregu i Kombinatit, ku qytetarët duket se kanë respektuar distancën, e po kështu kanë marrë masat si maskat e dorezat.
Duket se kryeministri Rama është i kënaqur nga ky rezultat, ndërsa ka reaguar me anë të një statusi në Facebook. Kreu i qeverisë Edi Rama paralajmëron se vetëm falë disiplinimit të plotë, këtë javë na mundëson lehtësimin me pikatore.
Po kështu, ndaj të gjithë qytetarëve që dalin për shëtitje e nuk zbatojnë me rigorozitet orarin, do ketë masa edhe më të forta ndëshkuese. Rama njofton se brenda së hënës do hyjë në fuqi rritja e ndëshkimeve, që i hap rrugë lehtësimeve në vijim.
Statusi
🔴 MIRË👍
🔴 VETËM DISIPLINIMI I PLOTË KËTË JAVË NA HAP SHTEGUN PËR LEHTËSIMET ME PIKATORE
🔴 BRENDA DITËS SOT GATI RRITJA E NDËSHKIMEVE, QË I HAP RRUGË LEHTËSIMEVE SHKALLË-SHKALLË NË VIJIM
