Ish-deputetja e PD-së, Jorida Tabaku shprehet se hedhja e idesë për legalizimin e kanabisit mjekësor është një tallje që Edi Rama bën me shqiptarët.
Në një lidhje të drejtpërdrejtë me News24, Tabaku tha se rritja ekonomike është vetëm në imagjinatën e Edi Ramës dhe qeverisë së tij. Sipas saj, kriza e koronavirusit ka prekur turizmin dhe konsumin, si dhe ka çuar në rritjen e taksave.
Tabaku thekson se vëmendja e qeverisë duhet të jetë tek ruajtja e vendeve të punës.
“Ideja e Ramës për legalizim kanabisi mjekësor është tallje. Të mos përdoret formula e 2016. Ne e kemi thënë se kjo krizë po e prek turizmin. Kjo krizë po prek konsumin. Kjo si rezultat i varfërisë. Edhe taksat janë rritur e kjo ka bërë që shqiptarët të bëhen më të varfër. Rritja ekonomike është vetëm në imagjinatën e Edi Ramës dhe qeverisë së tij. PD ka dalë në terren dhe ka takuar biznesmenë e sipërmarrës. S’po flasim për biznese miliona euro, por për sipërmarrje normale që janë palca e ekonomisë. Fatkeqësisht ndikimi i krizës do të vijojë.
Turizmi është lënë në mëshirë të fatit. Turizmi duhet të ishte stimiluar, duke pasur parasysh se janë rreth 93 mijë punonjës që punojnë në këtë sektor. Nuk mund t’ju themi operatorëve turistikë që ik merr kredi pa ditur si do shlyhen këto kredi. PD ka vënë theksin në ruajtjen e vendeve të punës”, tha ajo.
