”Le të bashkëpunojmë”/ Rama i bën ftesë PD-së: Nuk kam kufij

Kryeministri Edi Rama nuk ka vënë asnjë kufi për bashkëpunimin me Partinë Demokratike.

I ftuar në emisionin “Opinion”, Rama tha se PD-ja është e vetmja parti që ai njeh për Opozitë dhe me të cilën ka ndërmend të bashkëpunojë.

Kreu i qeverisë që sapo ka fituar mandatin e tretë, tha se ftesa e tij nuk ka vija të kuqe dhe se është i gatshëm të ulet në tavolinë me këdo që të ketë nga partia përballë, qoftë edhe kryedemokrati Lulzim Basha dhe të vendosë parimet e një marrëveshjeje.

Pjesë nga biseda

Fevziu: Cili është bashkëpunimi në të cilin ju e ftoni?

Rama: Nuk kam asnjë kufi.

Fevziu:  As bashkëqeverisje?

Rama: Asnjë kufi.

Fevziu: As bashkëqeverisje?

Rama: Nuk të jap ty përgjigje se s’je kryetar i opozitës, por të sugjeroj të bëhesh. Unë nuk kam asnjë kufij. Fare. Nuk kam asnjë tabu, fare zero.

Fevziu: Po vijë të kuqe?

Rama: Asnjë vijë të kuqe.

Fevziu: Përballë opozitës shqiptare?

Rama: Jo opozitës shqiptare, Partinë Demokratike të Shqipërisë. Unë di opozitë Sshqiptare Partinë Demokratike të Shqipërisë.

Fevziu: Po LSI?

Rama: Nuk më intereson fare, LSI për mua i përket një kategorie tjetër