Anëtarët e Këshillit të Përgjithshëm të LDK-së përmes votimit elektronik sapo kanë shkarkuar Vjosa Osmanin nga posti i nënkryetares dhe anëtares së LDK-së.
Lajmi është konfirmuar nga deputeti i LDK-së, Haxhi Avdyli, shkruan “telegrafi”.
Avdyli, e ka quajtur vendimin “skandaloz”:
“Vendimi skandaloz për kinse shkarkimin përmes email-it të Vjosa Osmanit nga organet drejtuese të LDK-së, i iniciuar nga njerëzit pa legjitimitet qytetar, paraqet vetëm një manipulim interneti e asgjë më shumë.
Votimi përmes email-it është një vendim mashtrues dhe frikacak si gjithmonë i disa njerëzve që s’kanë guxim qytetar të maten e thirren si pronarë të LDK-së.
Këta se kanë problem edhe t’i manipulojnë rezultatet. Ekziston mundësia që rezultatet i këtij sondazhi Online mund të jenë manipuluar prandaj s’ka vlerë as juridike as obligative për askënd.
Ne dhe secili aktivist i LDK-së do e konsiderojnë këtë vetëm si një sondazh pavlerë derisa ky vendim të mos merret konform rregullave demokratike”.
