Nënkryetari i LSI-së, Petrit Vasili, ka komentuar vendimin e PD-së, duke u pozicionuar hapur në krah të Berishës. Vasili ka ironizuar vendimin e Kryesisë së Partisë Demokratike për të përjashtuar nga partia Sali Berishën dhe mbështetësit e tij.
“Ha ha ha laraskat përjashtojnë shqiponjën!”, shkruan ai.
Ish-kryeministri Sali Berisha është përjashtuar përgjithmonë nga Partia Demokratike me vendim të Kryesisë së selisë blu, në mbledhjen e cila nisi pasditen e djeshme dhe zgjati deri në orët e para të mëngjesit të sotëm.
Vlen të theksohet fakti se vendimet “radikale” në PD-së u morën pas protestës së 8 janarit ku nuk munguan përplasjet mes mbështetësve të PD-së zyrtare dhe atyre të ish-kryeministrit Sali Berisha. Gjatë diskutimeve të djeshme, kryedemokrati u kërkoi anëtarëve të Kryesisë së PD-së, që asgjë të mos dilte në media.
