I menjëhershëm ka qenë reagimi i presidencës ndaj deklaratave të Ambasadës Amerikane. Kjo e fundit propozoi që ‘ngërçi’ i Kushtetueses të zgjidhet nga palët në Komisionin e Venecias.
Gjykata Kushtetuese/ Ambasada e SHBA-ve propozim për zgjidhjen e konfliktit
Me anë të një postimi të zëdhënësit të presidentit, Tedi Blushi, presidenca ka refuzuar propozimin e Ambasadës së SHBA-së, që problemi i kushtetueses të gjykohet në Venecia. “Mjaft më “Rule of Embassy”. Është koha për “Rule of Law” si çdo vend demokratik”, shkruan ai në facebook.
Deklarata e plotë:
Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit.
Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës.
Mjaft më “Rule of Embassy”. Është koha për “Rule of Laë” si çdo vend demokratik.
Rruga e Elbasanit të çon në Elbasan dhe Rama e përdor dhe për në Xibrakë!
Rruga e Kavajës të çon në Kavajë!
Vetëm rruga e Kushtetutës na çon në Europën e Bashkuar!
