Ish-truproja i Sali Berishës, Izet Haxhia me anë të një postimi të shkurtër në rrjetet sociale ka bërë të ditur se është vetëdorëzuar tek policia turke.
“Meqë nuk erdhën të më marrin, u dorëzova vetë në policinë turke”, shkruan Haxhiaj në “Facebook”.
Ai është i akuzuar për vrasjen e Azem Hajdarit, dhe lajmëron se është vetëdorëzuar në policinë turke, me qëllim ekstradimin më pas drejt Shqipërisë, siç vendosi gjykata turke pak muaj më parë.
Izet Haxhia është dënuar nga gjykata shqiptare me 25 vite burg lidhur me vrasjen e ish-deputetit demokrat Azem Hajdari në 1998-ën, akuzë të cilën ai nuk e ka pranuar asnjëherë.
Haxhia u arrestua në Turqi në vitin 2006, por arriti të fitonte betejën gjyqësore dhe drejtësia e vendit turk ka urdhëruar që ai të mos largohet nga vendi, duke penguar edhe ekstradimin deri tani.
Pasi Berisha erdhi në pushtet, kërkoi kthimin e emrit të tij në listën e Interpolit. Por vetëm 1 muaj më parë Gjykata turke vendosi që të lejonte ekstradimin e tij drejt Shqipërisë. TIRANA TODAY
