Aktori Genti Kame e ka treguar edhe më herët historinë e tij të dashurisë me një ish konteshë franceze. Për hir të dashurisë, ajo la titullin e familjes mbretërore për tu martuar me aktorin shqiptar dhe për të jetuar në një fshat në periferi të Tiranës. Aktori dhe regjisori Genti Kame, i ftuar në “Rreze Dielli” dha mesazhe mjaft të bukura, ndërsa citoi se nuk ka rëndësi titulli, por familja.
“Vajzat dua që në radhë të parë të bëhen njerëz të mirë. E vetmja pasuri që mund t’i lë fëmijëve të mi është edukata dhe shkollimi. Vetëm atëherë do të dinë të zgjedhin, kështu mund të bëjnë edhe para, sepse kanë mendjen e duhur dhe edukatën.
Familja e gruas sime është me gjak mbretëror, pasardhëse e Luigjit VI. Ajo ose do rrinte pa martuar e do mbante titullin, ose do martohej me mua. E vlerësoj këtë gjë, këto janë gjëra pa rëndësi. Rëndësi ka që njerëzit të duhen, ne duhemi shumë, nuk ka rëndësi ku jetojmë, si jetojmë, titulli. Ne jemi njerëz të mirë, rrisim fëmijët tanë dhe duhemi shumë”, tha aktori Genti Kame.
