Kryetari i Partisë Zgjidhja, Koço Kokëdhima e ka quajtur kryeministrin Rama një maniak për pushtet dhe pasuri.
I ftuar mbrëmjen e djeshme në emisionin “Të Paekspozuarit”, Kokëdhima tha ndër të tjera se Rilindja është një organizatë kriminale në pushtet, ndërsa shtoi se përgjimet nuk po dënohen, sepse kjo qeveri ka me vete prokurorinë dhe gjykatat.
“Edi Rama është një maniak për pushtet dhe pasuri. Nuk kam pikë dyshimi për këtë gjë. Kam shumë informacion se çfarë ndodh në këtë vend. Edi Rama është manjak për pushtet dhe para. Ai sot vërtet i ka akumuluar të gjithë pushtete, por është i vdekur, është moralisht dhe politikisht i mbaruar.
Ajo që ka ndodhur në Dibër ka ngjarë në të gjithë Shqipërisë. Këtu qeveria ka bashkëpunuar me bandat dhe kriminelët. Kjo ka ndodhur jo vetëm në Dibër, por në mbarë Shqipërinë. Qeveria ka me vete edhe Prokurorinë, edhe gjykatat. Ky është një shtet kriminel. Prokurorët nuk hetojnë, sepse është një pushtet i zotëruar politikisht”, tha Kokëdhima.