E sotmja, është seanca e fundit parlamentare për këtë sesion.
Kuvendi pritet të vendosë sot për ndryshimet kushtetuese, listat dhe koalicionet.
Më herët, Opozita e Bashkuar përcolli një deklaratë ku dënon braktisjen e dialogut në Këshillin Politik nga Partia Socialiste gjatë mbledhjes së djeshme.
Po ashtu Opozita e Bashkuar ka theksuar se asnjë akt i njëanshëm nuk është i detyrueshëm për Opozitën dhe aq më pak për qytetarët.
PD nënvizon se ndryshimet e njëanshme kushtetuese shkatërrojnë konsensusin, thyejnë dhe zhbëjnë marrëveshjet e 5 Qershorit dhe të 14 Janarit të nënshkruara nga vetë Partia Socialiste dhe sjellin pasoja të rënda për stabilitetin, demokracinë dhe integrimin evropian të vendit.
