E hënë, 24 Janar, 2022
-0.5 C
Tirana

Kush përfitoi nga protesta e kontrollorëve

Nga: Preç Zogaj

Në potpurinë e akuzave se kush qëndronte prapa ngjarjeve të Rinasit ishte dikush që tregoi me gisht Edi Ramën.

Ky ishte Lulzim Basha. Rama është i vetmi përgjegjës për këtë, tha Basha, duke i kërkuar të ndalë menjëherë grevën. Nuk e dimë çfarë di konkretisht Basha për rolin e Ramës në këtë ndodhi.

Në pamjen e jashtme të ngjarjes Kryeministri ngjan të jetë i shënjuari për t’u goditur, jo shënjuesi. Basha mund ta ketë pasur fjalën për shpërfilljen e gjatë nga Kryeministri të ankesave të kontrollorëve që kanë nisur prej një viti.

Pra, shpërfillja provokoi një kundërveprim të llogaritur keq nga ana e tyre. Ata ranë në kurthin e shpërfilljes. Ose mund të ketë treguar me gisht Edi Ramën thjesht duke u nisur nga pista e njohur “kush përfton” në hulumtimin e ngjarjeve të ngatërruara.

Sepse ishte vetëm Rama përfituesi politik i ngjarjes. Edhe duke qenë një protestë e pastër kundër uljes së rrogave.

Edhe po të jetë e kurdisur politikishtversioni numër një, të cilit i mëshon Rama duke rritur dozën e spekulimit, pasi i doli zogu në shteg.

Njerëzit që u lanë në tokë pa paralajmërim, ndërsa kishin prenotuar fluturimet; njëqind mijë vaksina që pritej te vinin pikërisht ditën e bllokimit të fluturimeve; mesazhi që jepte dhe pikëpyetjet që ngrinte bllokimi i aeroportit të vetëm ndërkombëtar për stërvitjen “Defender 21”, me e madhja e trupave të NAT0-s në vendin tonë pas pak javësh, mesazh i cili më e pakta nxori në ditë vulnerabilitetin e sigurisë dhe normalitetit të fluturimeve në qiellin e Shqipërisë – të gjitha këto shërbyen si gola për qeverinë.

Edhe pse Basha tha atë që tha, ndërsa opozita e tij po e kërkon suksesin me përpjekje të mëdha duke denoncuar dështimet e qeverisë e duke shpalosur programin e saj.

Ka diçka që nuk shkon në konfigurimin, koordinimin dhe disiplinën e forcave anti-Rama në vend. Kjo duket qartë.

Së paku në rrafshin e marrëdhënieve me publikun. Diçka që duhet riparuar sa më parë.

- Reklama -

Më shumë nga kategoria




Të fundit

Sulm ajror në burgun e Jemenit, të paktën 70 të vrarë

Të paktën 70 njerëz u vranë në një sulm ajror në një burg, dhe të paktën tre fëmijë vdiqën në një bombardim të veçantë,...

Shtetet e Bashkuara pezullojnë 44 fluturime të linjave ajrore kineze

Qeveria e Shteteve të Bashkuara njoftoi të premten pezullimin e 44 fluturimeve ajrore të katër kompanive kineze nga Shtetet e Bashkuara drejt Kinës. Pezullimi...

Caktohet data për zgjedhjet në FSHF

FSHF u ka dhënë fund dilemave, pasi është caktuar data e zgjedhjeve për president. Federata Shqiptare e Futbollit, i ka dhënë fund dyshimeve rreth...

Kosova sërish vend i rrezikut të lartë për Gjermaninë

Varianti Omikron ka shtuar ndjeshëm shifrat e infektimeve në Kosovë. Nga dita e dielë (23.01; 00:00) Kosova futet sërish në listën e vendeve të...

Armët vdekjeprurëse amerikane mbërrijnë në Ukrainë

Rreth 90 ton "ndihma vdekjeprurëse" nga SHBA-ja kanë mbërritur në Ukrainë, mes tensioneve për grumbullimin e trupave ruse në kufi. Kjo ishte dërgesa e...