Spetsnaz
Njësia elitë e forcave speciale ruse. Pranon në gjirin e saj vetëm vrasësit më të aftë, të pamëshirshëm dhe të kalitur në beteja. Ata e shprehin këtë gjatë stërvitjeve, duke lënduar rëndë njëri-tjetrin, dhe thyer brinjët, gishta dhe rruazat.
Në raste të tilla ata shkëputen vetëm për disa ditë, derisa të munden të ri-ngrihen në këmbë, dhe vazhdojnë stërvitjen. Kjo njësi angazhohet zakonisht në operacionet e zbulimit, ose në luftimet shtëpi më shtëpi. Por trupat e saj, punësohen edhe si truproja për politikanë të nivelit të lartë.
Komandot e Marinës Franceze
Ata e quajnë veten “beretat jeshile”, dhe përbëhen nga 6 njësi:Hubert, Trepel, de Montfort, de Penfentenyo, Jaubert dhe Kieffer. Çdo njësi, trajnohet për misione të veçanta si zhytjet, luftimet në det, lëshimin e rakateve apo vrasjet me snajper. Ato u krijuan nga Zhak Kusto, që në Luftën e Dytë Botërore ishte oficer i marinës franceze.
MARSOC, trupat speciale të marinës amerikane
Misionet kryesore janë ato të zbulimit, operacionet direkt dhe ato në vendet e huaja. Stërvitja e tyre përbëhet nga 4 faza, njëra më e ashpër se vjetra. Faza e është trajnimi SERE: mbijetesë, rezistencë, arratisje. Ata trajnohen se si të ndezin zjarr nga fërkimi i dy drurëve, nga pasqyra, madje edhe nga akulli, në varësi të zonës ku veprojnë. Mësohen ta lëmojnë akullin me nxehtësinë e duarve në formën e një lenteje, e cila funksionon edhe si një lupë zmadhuese. Ata stërviten më pas për luftimet luftimet trup për trup, duke mësuar të gjitha artet kryesore marciale.
MI-6 britanike
MI-6, është njësia që i vendos agjentët e saj në të gjithë botën, për të zbuluar kërcënimet e ndërkombëtare, dhe për të bërë “neutralizimin” e tyre, para se ato të bëhen realisht të rrezikshme. Po t’i pyesësh, ata do të thonë se mes tyre nuk ka ndonjë “James Bond”, dhe se misionet e tyre janë tejet të mërzitshme, gjë që sigurisht nuk është e vërtetë.
Rejnxhërsat e ushtrisë së SHBA-së
Rekrutët stërviten për hedhje me parashutë, mësojnë disa gjuhë të huaja, për luftën në terrene të ashpra malore, si dhe mësojnë të përdorin të gjitha armët kryesore. Pas 9 javësh, ata regjistrohen në Shkollën Ajrore të Ushtrisë, dhe më pas në Programet e Indoktrinimit.
Beretat e Gjelbra të ushtrisë amerikane
Beretat e Gjelbra, stërviten për t’u angazhuar në “luftën jokonvencionale”. Kjo nënkupton infiltrimin e tyre në një zonë armiqësore, në pritje të një operacioni ushtarak në shkallë të gjerë. Ata trajnojnë ndërkohë banorët e zonës që të bëjnë rezistencë ndaj armikut. Kjo ka ndodhur në në Vietnamin e Jugut, Irak dhe Afganistan etj.
Kur nuk ka ndonjë rezistencë lokale ndaj armikut, Beretat e Gjelbërta, infiltrohen dhe e dobësojnë armikun, duke “neutralizuar” sa më shumë oficerë të tij. Kjo zakonisht përfshin vrasjen me snajper apo prerjen e fytit. Trajnimi është shumë i gjerë, dhe fillon me vlerësimin e 12 cilësive tek rekruti:inteligjenca, aftësia fizike, motivimi, besueshmëria, përgjegjshmëria, pjekuria, stabiliteti, gjykimi, vendosmëria, puna në grup, ndikimi dhe komunikimi.
Vetëm 40 për qind e aplikantëve, i plotësojnë zakonisht këto kritere. Stërvitja përfundon me kurse të ndryshme të durimit, si mbajtja e çantave të rënda në shpinë gjatë 65 km ecje në terrene të thyera, pa pasur asgjë tjetër veçse një pule të gjallë, dhe një thike. Nëse rekruti ia del të ndezë një zjarr, mund ta hajë pulën e pjekur. Por atij nuk i jepet shkrepëse ose çakmak. Atij i lejohet të mbajë vetëm një busull, dhe harta vetjake të vizatuara me dorë.
Forcat Delta
E vetmja njësi anti-terror në SHBA, që merret me çlirimin e pengjeve, kryengritjet e armatosura dhe aktet terroriste. Përzgjedhja bëhet sipas perfomancës fizike:vrapim 5 km në një kohë të shkurtër, ecje gjatë gjithë natës, ecje 18 kilometra në një terrenin malor me një çantë shpine që peshon 16 kg. Janë të pajisur me një busull, por pa asnjë hartë. Ata i nënshtrohen më pas edhe shumë testeve psikologjike.
Shayetet 13
Ky emër do të thotë “Flotilja 13” në gjuhën hebreje. Motoja e kësaj njësie, është e njëjtë me atë të ushtrisë izraelite: “Kurrë më!”, dhe që ka lidhje me Holokaustin. Është një 1 nga 3 njësitë më elitare të ushtrisë izraelite. Shayetet 13, është e specializuar në shpëtimin e pengjeve dhe operacionet anti-terror. Kjo njësi spikati në vitin 1972, kur vrau anëtarët e organizatës palestineze “Shtatori i Zi” në Bejrut të Libanit, në shenjë hakmarrjeje për Masakrën e Mynihut.
Navy Seals
Kjo njësi përbëhet nga rreth 2.000 trupa. Ata janë luftëtarët më elitarë të SHBA-së, dhe janë trajnuar në të gjitha fushat, por kanë më shumë kompetencë. Trajnimi i një Navy Seal zgjat më shumë se 1 vit, dhe rekrutët duhej të jenë midis 17-28 vjeç. Ata stërviten 24 javë, vetëm për luftimet në terren. Një komando i kësaj njësie është ekspert gati çdo gjë, nga përdorimi i armës, tek njohja e disa gjuhëve etj.
SAS-i britanik
Shërbimi Special Ajror britanik, është i trajnuar të veprojë gati njëlloj në të gjitha llojet e operacioneve. Por ai është i trajnuar sidomos për operacionet e kundër-spiunazhit. Ajo është angazhuar shumë në Irak dhe Afganistan. Trupat e kësaj njësie, ngjajnë me beretat jeshile amerikane. Ato janë trajnuar edhe për përleshjet nga afër me thikë, duke përdorur teknikat indianëve vendas./ TIRANA TODAY
