Pas situtës së tensionuar që ndodhi në “Opinion”, deputeti hartues i paketës “Anti-shpifje”, Musa Ulqini, duket se nuk e ka harruar sherrin me Mark Markun. Deputeti i PS ka mbrojtur paketën “Anti-shpifje” që pritet të miratohet në Kuvend. Gjatë fjalës së tij ai ka dhënë disa argumente, që do të shërbejnë në të mirë të qytetarëve pas miratimit të kësaj pakete.
‘Kush janë pronarët që i financon politika, droga, mafia, droga? Kush më thotë mua se nga 800 portale që janë sot në Shqipëri, dihen pronarët. Të gjithë janë të detyruar të dinë se kush janë në qendër të tyre. Së dyti ka një prirje dhe standard në BE, që na detyrojnë ne të realizojmë ligjin në bazën të tyre.
Nuk është e drejtë që 10 a 20 portale që të ndotin punën e shkëlqyer që bëhen në portale të tjera, si në rastin e fundit të tërmetit. Ky projektligj nuk lejon gazetarët të punojnë në të zezë. Tjetër, ndihmon fëmijët se kërkon shmangien e gjuhës që nuk lejohet. Tjetër shmang të drejtat e autorit, sepse duhet që një këngë, një tekst i shkruajtur të ketë autorin. Ky projektligj nuk është për politikanët, por qytetarët e këtij vendi”, tha Uqini.
