Kreu i Grupit Parlamentar të Partisë Socialiste, Taulant Balla është shprehur i bindur se përgjimet e publikuara nga gazeta gjermane “Bild” i janë dhënë nga opozita jo parlamentare.
I ftuar këtë mbrëmje në emisionin ‘Real Story’, numri 2 i PS-së ka deklaruar se PD-ja i ka pasur këto përgjime që prej 2 vitesh e 7 muajsh. Sipas tij, të përfshirë kanë qenë dhe familjarët e kreut demokrat, Lulzim Basha, për të cilët pretendon se i kanë “transportuar”.
“PD i ka pasur këto përgjime një ditë pas votimeve në Dibër. Jam i bindur që gazetës ‘Bild’ i janë dhënë nga opozita. Jam i sigurt që në transportimin e tyre janë përfshirë edhe familjarë të Lulzim Bashës. Partia ka 2 vjet e 7 muaj që i ka këto përgjime”, tha Balla.
