Një ngjarje e rëndë ka ndodhur në lagjen ‘1 Maji’ në Kuçovë. Një 10-vjeçare abuzohej prej dy vitesh nga 57-vjeçari Ajet Dumi, ndërsa e kërcënonte edhe me sqepar. Nëna e së miturës ka rrëfyer se vajza është abuzuar që në klasë të tetë, në kohën kur prindërit kanë qenë në punë.
E mitura nuk i ka treguar asgjë, pasi ka patur frikë, duke qenë se abuzuesi e kishte kërcënuar. Vetë vajza është shprehur se ai e kërcënonte me sqepar, nëse tregonte se çfarë kishte ndodhur.
Abuzimi ka nisur në vitin 2018, kur vajza me inicialet A.D., ishte në klasën e tretë dhe vetëm 8-vjeçe. Vetë vajza, duke treguar ngjarjen rrëfen se një ditë kur ishte kthyer nga shkolla e gjen 57-vjeçarin Ajet Dume të dehur. Ai e ka marrë në dhomën e tij dhe abuzon seksualisht me të.
Pas kësaj ai i kishte thënë se kjo ishte një gjë normale që kryenin të rriturit me fëmijët. Vajza pohon se fillimisht ajo nuk dinte se çfarë ishte veprimi që kishte kryer 57-vjeçari me të, por kur e kishte kuptuar, i kishte thënë të mos e prekte më, pasi në të kundërt do t’u tregonte prindërve.
Në këto momente, 57-vjeçari e ka kërcënuar më sëpatë, duke i thënë se po të tregonte do të vriste jo vetëm vajzën, por edhe familjen e saj.
