Kryetari i Lëvizjes Vetëvendosje, Albin Kurti, është ‘përfshirë’ në zgjedhjet presidenciale në SHBA.
Përmes një video-mesazhi në Facebook, Kurti iu ka bërë thirrje shqiptarëve të Amerikës, që ta votojnë për kandidatin demokrat, Joe Biden.
Kurti tha se Biden është mik i vërtetë i shqiptarëve.
Albin Kurti: “Që nga vitet 90-të, Joe Biden është një mbështetës i palëkundur i shqiptarëve në Ballkan. Ishtë ndër të parët që denoncoi fashizmin serb në epokën e Millosheviçit, që bëri thirrje për ndërhyrje amerikane në Bosnjë, dhe më pas në Kosovë, që kërkoi ndjekjen penale të kriminelëve serbë të luftës; dhe që mbështeti pavarësinë dhe njohjen e Republikës së Kosovës’’.
Zgjedhjet presidenciale në SHBA do të zhvillohen me 3 nëntor, mes presidentit aktual, Donald Trump dhe Joe Biden.
https://www.facebook.com/albini2017/videos/280698453047663/
