Kryeministri i Kosovës, Albin Kurti, do të takohet sot me presidentin e Serbisë Aleksandar Vuçiç, në samitin BE-Ballkani Perëndimor që po mbahet në Brdo të Sllovenisë. Takimi mes palëve pritet të mbahet në praninë e kancelares gjermane Angela Merkel, dhe presidentit të Francës Emmanuel Macron, në pushimin mes sesioneve. Në një prononcim për mediat, Kurti është shprehur se Kosova dhe Serbia, kanë nevojë për një marrëveshje.
“Serbia nuk e njeh Kosovën, Kosova nuk e njeh Serbinë, dhe ne kemi nevojë për një marrëveshje”.
Ai theksoi se njohja reciproke është e vetmja mënyrë për vendosjen e paqes, stabilitetit dhe sigurisë në Ballkan.