Aktivistja Evi Kokalari kërkon që demokratët të mos mjaftohen vetëm me largimin e Lulzim Bashës, por edhe me investigimin ndaj tij dhe familjes së tij.
Kokalari parashtron pyetjen se kur do të investigohet kryedemokrati Basha dhe kunati i tij për korrupsion.
Madje ajo flet më tej edhe për pazare të fshehta mes kreut të PD-së Lulzim Basha, dhe kryeministrit Rama.
Më 11 dhjetor në Tiranë, Sali Berisha do të zhvillojë aktin final të një aksioni të nisur për luftën brenda PD-së, kundër kryetarit Lulzim Basha.
Statusi
E kuptoj që në 11 Dhjetor do heqim Lulin & co., gjithsesi një pyetje ngelet e hapur, dhe s’kam dëgjuar askënd ta diskutoj deri tashti;
Kur do të investigohet Lulzim Basha dhe kunati për korrupsion? Po PD-ja kur do ta hedh në gjyq për shfrytëzimin që i bëri ketij institucioni për përfitime monetare personale?
Ju ka shkuar ndonjëherë në mëndje që ju që dilnit në protesta thjeshtë i ngrinit pazaret që Luli bënte me Ramën? Ndenjët në çadër aq gjatë sa ju desh Lulit të negocionte aferet e tij me kryemafiozin Shqiptar.
E pra, nëse do ti referoheshim definicionit të statusit ‘non-grata’ të DASH, Lulzim Basha ka cënuar rëndë Demokracinë Shqiptare, dhe nëse këtë nuk e merrni seriozisht, do ti hapni rrugë korrupsionit të ardhshëm në kryesi, dhe kjo do të ishte fatkeqësi e madhe për konservatorizmin Shqiptar, i cili është akoma i brishtë dhe ka nevojë të mbrohet me fanatizëm.
