Ish-ambasadori i Shqipërisë në Shtetet e Bashkuara të Amerikës, Fatos Tarifa, teksa ka komentuar situatën brenda PD-së, thekson se vizita e Gabriel Escobar nuk është e rastësishme. Për të, vizita e të dërguarit të Posaçëm për Ballkanin Perëndimor, Gabriel Escobar, mbart mesazhe të qarta.
Kështu u shpreh në studion e “Dita jonë” ish-ambasadori ynë në SHBA, Fatos Tarifa. Duke analizuar situatën brenda PD-së, Tarifa shprehet se fakti që Escobar do të takojë dhe Bashën, tregon që Uashingtoni njeh atë si lider të opozitës.
Një mesazh po kaq i qartë është edhe lënia jashtë agjende e presidentit Meta. Gabriel Escobar do të takohet me liderin e opozitës, dhe ai që njeh Uashingtoni është Basha. Kreu i PD-së zyrtarisht do të marrë një mbështetje nga SHBA-ja, por për Tarifën, kjo nuk e bën më të fortë brenda partisë së tij.
“Vizita tani nuk është e rastësishme dhe duke parë mesazhet në Shkup, janë të ngjashme me ato në Tiranë dhe me rrethanat që Tirana ka me krizën që ka PD-ja sot.
Fakti që Escobar do të takojë dhe Bashën, tregon që Uashingtoni njeh atë si lider të opozitës. Basha nuk ka qenë ndonjëherë lider i fortë, tani është dobësuar më shumë se kurrë. Fakti që lihet jashtë presidenti, edhe ky është një mesazh.
Ai do të takohet me liderin e opozitës, dhe ai që njeh Uashingtoni është Basha. Merr zyrtarisht një mbështetje nga SHBA-ja, por kjo nuk e bën më të fortë brenda partisë së tij. Veçse një mesazh më të fortë mund të marrin ndjekësit e Berishës, që Berisha nuk është njeriu që SHBA-ja do në krye të opozitës shqiptare. Fakti që vizita kryhet dy ditë para Kuvendit të Berishës, është një mesazh për opozitën, për qeverinë dhe për atë pjesë të elektoratit që voton PD-ja, dhe në këtë moment i janë ngjitur Berishës nga pas”.
