Prej mëngjesit të sotëm, banorët e Bregut të Lumit kanë kundërshtuar shembjen e banesave të tyre, duke u përplasur edhe fizikisht me punonjësit e IKMT-së.
Në kuadër të zgjatimit të Bulevardit të Ri, planifikohet që të prishen 38 godina, ndërsa banorët e Bregut të Lumit kanë bërë rezistencë, për të mos lejuar ndërhyrjen e fadromave.
Edhe banorët e Astirit, të cilët kanë të njëjtin hall dhe protestojnë prej 3 muajsh kundër shembjes së banesave, janë solidarizuar me banorët e Bregut të Lumit.
Burime pranë Tirana Today, konfirmojnë se banorët e Astirit kanë nisur të mblidhen për të marshuar drejt Bregut të Lumit, për t’u dalë në mbrojtje banorëve.
Po ashtu, mësohet se ata i tremben ndërhyrjes së policisë që mund t’ ndalojë të mbërrijnë pranë banorëve të Bregut të Lumit, ndërsa situata vijon të jetë e tensionuar.
Më herët, ka pasur edhe përplasje fizike dhe një pjesë e grave kanë marrë në duar edhe gurë, ndërsa thonë se nga banesat e tyre do të dalin vetëm si kufoma. “O vdekje, o liri! Nuk ka rrugë tjetër për ne”, thërrisnin banorët.
