Ish-anëtari i Këshillit Kombëtar të Partisë Demokratike, Edvin Kulluri, thotë se PD-në e ka marrë në qafë mediokriteti dhe oportunizmi.
Me anë të një statusi në rrjetin social Facebook, ai shprehet se ata që kërkojnë largimin e ish-kryeministrit Berisha me vendim personal të kreut të PD-së, Lulzim Basha, vazhdojnë të jenë shërbetorë të shkatërrimit të PD-së.
Kulluri i del në mbrojtje Sali Berishës, duke theksuar se ai ka qenë i vetmi që ka vlerësuar kritikët dhe thirrjet për bashkimin e PD-së. Sipas tij, Basha nuk e dëgjoi pasi nuk donte.
Statusi
Te vetmit njerez qe kane te drejte te thone se Berisha ka pergjegjesi per ate qe ka ndodhur ne PD 4 vitet e fundit jane ata qe kane folur dhe vepruar kunder arbitraritetit qe na coi ne kete pike! Keta qe po i kerkojne llogari me ze te larte e vete kane heshtur, mire eshte te vazhdojne te heshtin!
Edhe ata qe i sherbyen Bashes deri ne 25 prill ne gjithe marrezite e tij, edhe ata qe shkonin sa ne zyren e Bashes e sa ne ate te Berishes duke bere “si teknike” te servilizmit mire eshte te bejne te njejten gje!
Ata qe kerkojne largimin e Berishes me vendim personal te Bashes vazhdojne te jene sherbetore te shkaterrimit te PD-se ndersa ata qe bertasin me te madhe kunder Bashes e s’kane nxjerre nje gjysem fjale 4 vjet, te pakten te ulin koken e te kerkojne ndjese!
PD e ka marre ne qafe mediokriteti dhe oportunizmi! Nuk ka asnje te ardhme nese per Partine Demokratike nese nuk hyn ne nje proces te kthimit tek vota, gara dhe debati i lire!
Pergjegjesine per humbjen e kane te gjithe ata qe “u strehuan” ne ombrellen e nje sharlatani qe e ka cuar opoziten nga humbja ne humbje duke na u hakerryer si “tradhetare”, “sherbetore te Rames” e lloj lloj idiotizmash komuniste te injektuara nga skutat e pazareve Rama-Basha!
I vetmi qe nuk ka folur asnje fjale kunder kritikeve e per me teper i ka vleresuar ka qene Sali Berisha qe ka bere thirrje per bashkim te PD! E natyrisht Basha nuk e degjoi se nuk donte! Te tjeret heshtin e tani i kerkojne edhe llogari! Ne qe duhet ta benim nuk e bejme!
Hipokrizi vrastare!
