Detaje tronditëse vijnë nga masakra që ka ndodhur në Shkodër. Shefi i Komisariatit të Shkodrës, Paulin Çupi, ka përcjellë të dhënat e para në një prononcim për mediat, sa i takon ngjarjes ku vëllai ka vrarë të motrën.
Ai u shpreh se viktima u gjet e pajetë në dhomën e saj të gjumit, dhe se autori ishte në gjendje depresive dhe nën efektin e alkoolit.
Diana Vukaj, 58 vjeçe, u gjet e pajetë në orët e vona të kësaj të diele në shtëpinë ku banonte, në Shkodër.
Viktima dyshohet se ështe vrarë rreth 3 ditë më parë, dhe autori i kësaj ngjarje të rëndë është vëllai i saj, Fabian Vukaj, i cili është arrestuar.
“Rreth orës 22:30, sonte në sallën operative është marrë një telefonatë që shtetasja Diana Vukaj ka dy ditë që ka humbur kontaktet me njerëzit e saj. Kemi organizuar shërbimet, verifikimi i parë në banesë ku është gjetur e pajetë e moshës rreth 60 vjec. Menjëherë është ushtruar kontroll dhe në rrethinat pranë është kapur dhe ndaluar vëllai i saj Fabian Vukaj rreth 56 vjeç.
Ngjarja është e rëndë. Diana Vukaj është emigrante, është kthyer nga Gjermania para tre ditësh. Kufoma është brenda në banesë, në dhomën e saj të gjumit. Autori i dyshuar është në kushte depresioni dhe nën efektin e alkoolit. Është kapur nga shërbimet e policisë. Sa ditë ka kufoma? Do ta vendosi ekspertiza”, tha ai.
