Ministri kosovar i Shëndetësisë, Armend Zemaj, ka hedhur poshtë pretendimet e presidentit Vuçiç se masat në veri të Kosovës ishin marrë me vendim të qeverisë serbe.
I ftuar në emisionin “Pressing” në T7, Zemaj sqaroi se vendimi për kufizim të lëvizjes në veri të Kosovës është marrë në bazë të ligjeve në Kosovë.
Sipas tij, zv/kryeministri i Kosovës, Goran Rakic, i është drejtuar atij me një kërkesë për vënien e kufizimit të lëvizjes në këto katër komuna. Më tej, ministri ka treguar edhe dokumentet ku tregohen kërkesat e Rakiq.
“Vendimi për karantinë në veri është me vendim të Kosovë. Ky vendim është marrë me kërkesë të vetë komunave. Rakici më adresoi kërkesat e komunave.
Kërkesa të drejtuara nga Vucina Jankovici, kryetarja e Komunës së Zvecani, i ka kërkuar Zemajt, për të ndërmarrë masa. E ditës së djeshme. Unë si ministër i shëndetësisë, këto kërkesa i kemi përcjell në IKSHPK, pres rekomandimet e mëtutjeshme. Pas informacioneve dhe statistikave”, tha ai.
Katër komunat në veri u futën në karantinë prej orës 21 deri në orën 5 të mëngjesit.
