Teksa na ndajnë më pak se 24 orë nga protesta e paralajmëruar e opozitës së bashkuar, ku do të synohet rrëzimi i kryeministrit Edi Rama dhe çuarja e vendit në zgjedhje të parakohshme me një qeveri tranzitore, Rama ka marrë masat e fundit.
Fotot e dëshmojnë qartë, ku Rama ka urdhëruar mbulimin e derës hyrëse të godinës. Mbrëmjen e djeshme aty janë vendosur skela hekuri, për të parandaluar çdo tentativë të mundshme të protestuesve për të hyrë brenda.
Në protestë do të aktivizohen rreth 1300 efektivë policie të komisariateve të Tiranës. Në gatishmëri do të jenë edhe forcat Shqiponja, FNSH e RENEA. 900 punonjës të rendit do të vendosen vetëm te Kryeministria.
Berisha nuk i ndahet, nga presioni Rama izolon hyrjen e Kryeministrisë (fotot)
Ndonëse anëtarë brenda opozitës i mëshuan fort faktit se protesta do të jetë paqësore, duke shmangur zërat për dhunë, një situatë krejt tjetër shfaqet nga ana e policisë. Menjëherë pas qëndrimit të dytë publik nga radhët e policisë, një kundërpërgjigje ka ardhur nga PD-ja.
Deputeti Gazmend Bardhi i cilëson si qesharake thirrjet e policisë, për tu distancuar nga ata që inkurajojnë dhunën, apo nga personat me rekorde të rënda kriminale. Po kështu ai nënvizoi ndër të tjera se personat me rekorde të rënda kriminale nuk janë në PD, as mes protestuesve, por janë në qeveri dhe me qeverinë.
LAJM I FUNDIT/Kryemadhi i shkon në zyrë Bashës. Çfarë fshihet pas këtij takimi?
Duke i kthyer përgjigje PD, e cila flet për persona me rekorde kriminale që do jenë prezentë në protestë, deputeti demokrat tha në një prononcim për mediat se në shesh do të jetë populli i vjedhur dhe i varfëruar nga kjo bandë kriminale, duke protestuar kundër kësaj bande kriminale.
