Lidhur me masat që ka ndërmarrë opozita për protestën e nesërme, krerët e këtyre forcave po mbajnë takimet e fundit. Kryetarja e LSI-së, Monika Kryemadhi i është drejtuar selisë së PD-së, për të takuar Lulzim Bashën, e për të ndarë qëndrimet lidhur me atë se çfarë do ndodhë në më pak se 24 orë.
Pas thirrjeve të vazhdueshme të policisë, për të qëndruar vigjilent se persona me rekorde kriminale do të jenë në protestë, PD me anë të deputetit Gazmend Bardhi iu kthye prerazi se në këtë histori nuk ka asgjë të vërtetë, pasi pjesëmarrës do të jetë populli i vjedhur dhe i varfëruar.
