Gazetari Gjerman, Peter Tiede ka reaguar lidhur me njoftimin e kryeministrit Rama mbi nisjen e procesit gjyqësor, pas përgjimeve të publikuara nga “Bild”.
Rama u shpreh pak më parë në llogarinë e tij në Twitter se: “Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije.”
Ndërkohë, Tiede ka komentuar në statusin e postuar nga kryeministri, ku i kërkon të di se për çfarë e akuzon.
Për çfarë më akuzoni? Për publikimin e audio-përgjimeve të vërteta?”, i kundërpërgjigjet gazetari gjerman.
