Kryeministri në detyrë i Kosovës, Avdullah Hoti, tha se ka zhvilluar një bisedë telefonike me kancelaren gjermane, Angela Merkel.
Lajmin e ka bërë të ditur vetë Hoti përmes një postimi në rrjetet sociale.
Ai ka falenderuar kancelaren për kontributin e Gjermanisë në shtet ndërtimin e Kosovës, si dhe për mbështetjen në procesin e dialogut me Serbinë.
”Pata një bisedë telefonike të frytshme sot me Kancelaren gjermane Angela Merkel, të cilës i shpreha vlerësimin tim për kontributin e çmuar që Gjermania ka dhënë në të gjitha fazat e ndërtimit të shtetit dhe forcimit të institucioneve demokratike të Republikës së Kosovës. E falënderova atë për angazhimin e saj të gjatë personal në thellimin e lidhjeve Kosovë-Gjermani dhe për mbështetjen e saj gjatë procesit të dialogut”, shkruan Hoti në Twitter.
I had a fruitful phone call today with german Chancellor Angela Merkel, whom I expressed my appreciation for the valuable contribution that Germany has given in all phases of state building and strengthening the democratic institutions of the Republic of Kosovo. (1/2)
— Avdullah Hoti (@Avdullah) January 6, 2021
