Kryetarja e Lëvizjes Socialiste për Integrim, Monika Kryemadhi, ka zbuluar emrat e trashëgimtarëve që do të zëvendësojnë Ramën në krye të PS-së. E ftuar në emisionin “Aktualitet” në Fax News, Kryemadhi u pyet në lidhje me luftën brenda PS për lidershipin e saj. Ajo tha se disponon informacionet se trashëgimtari i Partisë Socialiste, pas largimit të kryeministrit Edi Rama, do të jetë ose Erion Veliaj ose Taulant Balla, ose ndonjë grua, emrin e të cilës Kryemadhi nuk e zbuloi.
Ka zëra që më shumë shqetësim i Edi Ramës është Erion Veliaj, sepse nëse fiton mandat të tretë Edi Rama, Erion Veliaj duke ju konsumuar dy mandate del jashtë PS-së, kur ai e ka shpallur veten trashëgimtar të saj, sesa opozita shqiptare!? Ka ndonjë të vërtetë?
“Nuk besoj Erion Veliajn, Edi Rama e ka një kafshatë. As nuk e besoj fare, por do të shikojmë si do të ecë lista e deputetëve. Di që ka një konkurencë të madhe. Vetë në PS janë të bindur se një mandat i tretë është 1000% i pamundur. Por beteja është midis liderve të nivelit të dytë, se kush do të jetë trashëgimtari i Partisë Socialiste; Erion Veliaj, Taulant Balla apo ndonjë grua. Nuk është ide, kemi informacione, por ka kohë për këtë”, tha Kryemadhi.
