Kryetarja e LSI-së, Monika Krymadhi, e cila u bë palë me protestuesit, i ka dhënë mesazhe të qarta kryeministrit Rama, se nuk do të pranojë dialogun e parashtruar prej tij. Ajo ka apeluar po kështu ndaj politikanëve, ku u kërkoi që të mos mendojnë vetëm për veten e tyre, por edhe për fatin e qytertarëve. Duke i mëshuar faktit se qytetarët kanë një jetë të vështirë, ajo tha se ata janë më të vendosur se kurrë në rrugën e tyre.
“Ne jemi politikanë, e duam vendin, se po të mos e duam vendin, nuk do të ishim këtu. Jemi europianë, dhe dëshira për në BE është e madhe”.
Kryemadhi i dha një shuplakë të fortë kryeministrit Rama, në lidhje me thirrjet e njëpasnjëshme për dialog, për të kaluar këtë ngërç që ka kapluar vendin.
“Mjafton të shikosh letrat qaramane të kryeministrit, mos të vazhdojë më ti provokojë qytetarët. Ti lërë qytetarët të protestojnë në mënyrë paqësore”.
Kryetarja e LSI-së, përmes mediave u bën thirrje qytetarëve që të shmangin dhunën.
“I bëj thirrje qytetarëve të distancohen nga çdo akt dhune, pasi viktima nuk është Edi Rama. Viktimat janë shqiptarët, Rama është shkaktari i viktimave.
Çdo lloj dhune që bëhet sot, i japin pikë Edi Ramës. Sot, kjo protestë që është protestë madhëshore, është çlirim shpirtëror jo vetëm për demokratët, por edhe për socialistët që ndjehen të izoluar prej Ramës. Dialogu ynë është kombëtar, që ka të bëjë me shqiptarët. Nuk ka dialog me kryetarët e partive”, tha ajo.
