Kryetarja e LSI-së Monika Kryemadhi përgjatë një prononcimi për “News 24”, deklaroi se qeveria nuk po merr asnjë masë për mundësi e ndihmë ekonomike për bizneset shqiptare.
Madje Kryemadhi pohoi se kryeministri Edi Rama duket “sikur bën skeçe humoristike”.
“Rama duket sikur bën skeçe humoristike, jo dilni jashtë e hyni brenda. Mendoj se duhet të marrë fund koha kur diskutojmë me njëri-tjetrin, jo unë di më shumë e jo ti. Qeveria nuk po merr asnjë masë për mundësi e ndihmë ekonomike për bizneset shqiptare. Unë mendoj se duhen bërë më shumë teste.
Në Gjermani në një ditë bëhen 50 mijë teste. Kjo gjë duhet bërë edhe në Shqipëri. Shumë shpejt mendoj se do ketë edhe një depresion ekonomik. Unë nuk kam asgjë tjetër përpos asaj që ka thënë opozita në bllok.
Ne si LSI kemi ngritur një grup shëndetësor me zotin Vasili e zotin Tavo. Pa modesti, z.Vasili në kohën që ka drejtuar Ministrinë e Shëndetësisë ka përballuar gripin e derrit dhe gripe të tjera të rrezikshme”, tha Kryetarja e LSI-së.
