Kryetarja e LSI-së, Monika Kryemadhi, si në çdo protestë ka shprehur vendosmërinë për shporrjen e qeverisë Rama. Në një prononcim për mediat, ajo tregoi edhe pozicionin e LSI-së përkundër deklaratës së fortë që dha dje presidenti Meta për rrugët e zgjidhjes së krizës politike në vend.
“Këtu nuk është më çështje revolte, pallati apo opozite, por është revolta e një populli që është ngritur për hallet e veta, jo për të Lulit apo Monës, por për hallet e veta”.
E pyetur nga mediat nëse do t’ia sugjeronte dorëzimin e mandatit presidentit, ashtu siç ai u shpreh dje, kryetarja e LSI-së tha se kjo është zgjedhje e tij. Ajo kërkoi që presidenti të bëjë punën e tij zyrtare.
“Se ç’do të bëjë presidenti, është zgjedhje e tij. Presidenti le të bëjë punën e tij zyrtare, legjitime, jolegjitime… Nuk kam asnjë arsye për ta komentuar, kurse ne si opozitë kemi qëndrim të unifikuar”.
