Kryetarja e Lëvizjes Socialiste për Integrim, Monika Kryemadhi ka dalë në një deklaratë për mediat, ku njësoj si Basha e quajti ditën e sotme, një ditë historike.
Kryemadhi deklaroi se çdo sakrificë është e vogël përballë sfidës së madhe që ka sot opozita e bashkuar për largimin e Ramës, ndërsa shtoi se kryeministri mori sot një shuplakë.
Ish-deputetja foli edhe për një lojë, e cila sipas saj, ka filluar sot prej vërteti dhe do të kthejë Shqipërinë në shtëpinë e shqiptarëve.
“Sot protesta më e madhe në Shqipëri, do t’i udhëheqim shqiptarët në çdo moment. Çdo sakrificë është e vogël përballë sfidës sonë të madhe. Rruga e vetme e Shqipërisë sot është integrimi në Bashkimi Evropian dhe kjo bëhet vetëm me largimin e Ramës.
Sot Rama mori një shuplakë. Loja do hyjë prej vërteti, loja ka filluar të luhet fort sepse ka vetëm një rrugë për ta kthyer Shqipërinë në shtëpinë e shqiptarëve”, tha ndër të tjera Kryemadhi.
